Eleni gan fod Mudiad Meithrin wedi dathlu pen-blwydd arbennig yn 50 oed, rydym yn awyddus i greu rhywbeth chydig yn wahanol i ddathlu’ch Cylch Meithrin chi yr un pryd felly beth am ichi drefnu gorymdaith yn eich cymuned leol fel rhan o’r ymgyrch Cylchoedd yn Cerdded a gwahodd rhai o gyn-blant y Cylch i fynychu gan ddathlu Addysg Gymraeg yr un pryd? Beth am greu baner i hyrwyddo’r cylch, neu beth am annog oedolion i wisgo dillad o’r 70au? Mae syniadau ar sut i fynd ati i greu offerynnau cerdd ar gyfer gorymdaith i’w gweld isod a thaflen gweithgareddau a phoster gwag.
Peidiwch â phoeni os na allwch drefnu digwyddiad ar gyfer yr wythnos, beth am baratoi’r offerynnau neu faneri yn y cylch yn ystod yr wythnos yn lle hynny – mae angen dathlu llwyddiant y Cylch yn enwedig ar ôl y flwyddyn ddiwethaf ma!
