Gwobrau 2022

Mae’r cyfnod enwebu wedi agor! Dyma’ch cyfle i ddiolch a dathlu’r holl waith da sy’n digwydd ar lawr gwlad a chofiwch, mae’n bosib i unrhyw un enwebu.
Dyma’r 12 categori gwobr eleni, gan gynnwys 2 gategori newydd sbon:

• Arweinydd
• Chwarae a Dysgu Tu Allan
• Cylch Meithrin
• Cylch Meithrin Bach (12 neu lai ar y gofrestr) *newydd*
• Cylch Ti a Fi
• Cylch i Bawb
• Cynorthwy-ydd
• Dewin a Doti
• Gwirfoddolwr
• Meithrinfa Ddydd
• Pwyllgor
• Dysgu a Datblygu *newydd*

Mae panel mewnol, sy’n cynnwys staff arbenigol o wahanol adrannau’r Mudiad, yn tynnu rhestr fer o’r holl enwebiadau. Yna caiff yr enwebiadau eu cyflwyno i banel allannol sy’n cynnwys arbenigwyr ym maes y Blynyddoedd Cynnar ac aelodau o Fwrdd Cyfarwyddwyr y Mudiad.

ENWEBWCH DRWY GLICIO YMA

***Nid oes modd arbed y ffurflen, mae’n rhaid i chi ei chwblhau a’i chyflwyno ar yr un pryd. Awgrymwn eich bod yn meddwl am eich 3 rheswm ac yna’n cwblhau’r enwebiad pan fyddwch chi’n hapus eich bod wedi cynnwys popeth*** 

Ddim yn siŵr beth i’w gynnwys yn yr enwebiad? Edrychwch ar ein canllawiau enwebu isod.

Mae’r panel dyfarnu yn chwilio am enghreifftiau o’r canlynol:

• Llwyddo i adeiladu perthnasau gwych gyda’r plant, rhieni a’r gymuned.
• Rheoli ac yn arwain y tim gyda brwdfrydedd ac mewn ffordd arloesol ac ysgogol.
• Trawsnewid y cylch mewn cyfnod byr.
• O hyd yn chwilio am syniadau newydd arloesol i ddatblygu’r ardaloedd yn y cylch
• Ymrwymiad i’r cylch, y tîm a’r gymuned.
• Arweinydd hyderus sydd yn modeli ymddygiad a iaith bositif a chadarnhaol.
• Arweinydd sydd yn gofyn cwestiynau, ymgynghori ac yn rhoi amser i wrando ar staff, plant, rhieni a phartneriaid.
• Eirioli dros y cylch ac addysg Gymraeg.
• Hyrwyddo dilyniant i addysg Gymraeg gydag enghreifftiau o arfer dda.
• Arweinydd sydd yn monitro ac arsylwi yn gyson ac yn addasu, newid a gwella ble fod angen gan adael i’r plant arwain y gweithgareddau.
• Arweinydd sydd yn gadael i’r plant arwain y cynllunio ac yn gwrando arnynt.

Mae’r panel dyfarnu yn chwilio am enghreifftiau o’r canlynol:

• Cefnogi’r arweinydd drwy gynnig syniadau a gweithgareddau sydd yn ymestyn profiadau a sgiliau’r plant.
• Cynorthwy-ydd hyderus sydd yn gyfforddus i arwain gweithgaredd tu fewn a thu allan
• Ymrwymiad i’r cylch, y tîm a’r gymuned.
• Cynorthwy-ydd sydd yn ymgynghori ac yn rhoi amser i wrando ar y plant.
• Cymryd cyfleoedd i ddatblygu ei hun er lles y cylch.
• Cymryd cyfrifoldebau ychwanegol i’r disgwyliadau o ran swydd ddisgrifiad.
• Rhoi amser gwirfoddol er mwyn cynnig profiadau ychwanegol i’r plant e.e. carnifal ar ddydd Sadwrn.

Mae’r panel dyfarnu yn chwilio am enghreifftiau o’r canlynol:

• Dewin a Doti yn chwarae rôl ganolog mewn annog defnydd iaith o fewn y Cylch Meithrin.
• Dewin a Doti yn cael eu plethu mewn i weithgareddau dyddiol y Cylch Meithrin e.e. bwrdd emosiynau, ymarfer corff, amser snac.
•  Defnydd creadigol o Dewin a Doti sydd uwchlaw gweithgareddau dyddiol y Cylch Meithrin.
• Manteisio ar ddigwyddiadau cenedlaethol i gael defnydd pellach o Dewin a Doti e.e. parti pyjamas, parti pen-blwydd Dewin a Doti.
• Syniadau gwreiddiol o ddefnydd Dewin a Doti i gyflwyno’r Gymraeg yn y cartref.
• Mae Dewin a Doti yn rhan o weithgareddau’r Cylch Ti a Fi (os oes un ynghlwm a’r Cylch Meithrin).
• Mae Ap Dewin a Doti yn cael ei ddefnyddio yn y cylch ac yn cael ei hyrwyddo i rieni’r cylch.

Mae’r panel dyfarnu yn chwilio am enghreifftiau o’r canlynol:

• Yn defnyddio’r Tu allan i fod yn ofod addysgu o safon uchel ymhob tywydd.
• Wedi gwneud y defnydd gorau oll o’r Tu allan sy’n hybu datblygiad y plant.
• Mae cylch yn cynnig profiadau tu allan cyson a chadarnhaol ble gall plant ymlacio, myfyrio a bod yn dawel a rhedeg a bod yn swnllyd.
• Ymarferwyr sydd yn gyfforddus ac hyderus yn y tu allan ac sydd yn caniatâi plant cymryd risg
• Defnyddio’r Tu allan ble mae plant yn gallu arsylwi a gwrando ar natur.
• Enghreifftiau o greadigrwydd sydd yn ymestyn sgiliau’r plant.
• Cynnig cyfleoedd unigryw tu allan drwy ddefnyddio’r ardaloedd cyfagos e.e. coedwig, y parc, y cae.
• Rhoi cyfleoedd i’r plant dyfu planhigion e.e. blodau, llysiau a ffrwythau.
• Mae’r defnydd o’r tu allan yn cynnwys cyfleoedd i ehangu iaith, rhifedd a llythrennedd digidol.
• Yr ardal tu allan yn cynnig cyfleoedd am chwarae mentrus ac i gymryd risg.
• Ydych chi’n mynd a’r plant allan o’r cylch i ymweld â’r gymuned, i’r parc, y traeth neu’r siopau?
• Ydy’ch lle tu allan yn hollol gynhwysol gyda mynediad at bopeth i bob plentyn?

Mae’r panel dyfarnu yn chwilio am enghreifftiau o’r canlynol:

• CM sydd yn hyderus i rannu arferion da ac effeithiol gydag eraill ee ymarferwyr eraill, MM, Academi neu Hwb.
• Trefnir ymweliadau cyson i mewn i’r cylch a thu allan er mwyn hybu datblygiad y plant.
• Cydweithio agos iawn gyda’r ysgol Gymraeg leol er mwyn hybu dilyniant a threfniadau pontio arloesol.
• Cylch yn darparu gwasanaethau ychwanegol yn ôl gofynion rhieni lleol e.e. gofal cofleidiol, cynnig 30 awr.
• Defnyddio ffyrdd arloesol i gyfathrebu gyda rhieni presennol a marchnata i ddarpar rieni e.e. apiau, cylchlythyron, cyfrifon cymdeithasol, papurau bro.
• CM sydd yn edrych am gyfleoedd i ddatblygu a gwella ansawdd y darpariaeth trwy hyfforddiant ac ymweliadau at ddarpariaethau eraill.
• Staff yn mynychu hyfforddiant rheolaidd ar feysydd amrywiol er mwyn cynnig profiadau dysgu ychwanegol yn y cylch.
• Y plant yn sail i bopeth yn y cylch e.e cynllunio, arwain gweithgareddau, ymgynghori
• CM sydd yn darparu profiadau cyfoethog i blant.
• Gwneud gwaith arbennig ym meysydd iaith, rhifedd a llythrennedd digidol.
• Mae gan y cylch partneriaethau allanol effeithiol amrywiol yn y gymuned.
• Mae profiadau cyfoethog yng nghyd destun trochi iaith.
• Mae’r plant yn dylanwadu ar themau a gweithgaredd y Cylch.
• Mae’r cylch yn gweithio gyda rhieni i ddatblygu sgiliau’r plant yn y cartref.
• Mae pawb yn rhoi ymroddiad llawn i’r cylch (staff, teuluoedd, partneriaid, plant, y gymuned).

Mae’r panel dyfarnu yn chwilio am enghreifftiau o’r canlynol:

• Y sesiwn yn gynhwysol i’r ardal ac yn gwneud ymdrech i ddenu teuluoedd o wahanol gefndiroedd iddo.
• Modelau gwahanol o Gylchoedd Ti a Fi e.e am dro, rhithiol traddodiadol.
• Cynllunio amrywiaeth o weithgareddau sy’n llwyddo i ddenu teuluoedd newydd a chadw teuluoedd i ddod yn ôl yn wythnosol.
• Cylch Ti a Fi sydd wedi addasu dros y cyfnod clo i gynnig gwasanaeth rhithiol neu ymgysylltu â teuluoedd mewn modd creadigol o bell.
• Ysbryd cymunedol gydag amrywiaeth o genedlaethau yn mynychu.
• Cynnal prosiectau gyda’r gymuned e.e. cydweithio gyda’r cartrefi hen bobl.
• Cyfleoedd gwych ac arloesol wrth gyflwyno’r Gymraeg i deuluoedd.
• Enghreifftiau o waith gwych i drawsnewid y cylch mewn tymor byr e.e. cynyddu niferoedd, marchnata da.
• Pontio gyda’r Cylch Meithrin cyfagos ac hyrwyddo dilyniant i’r Cylch Meithrin.
• Enghreifftiau arloesol o godi arian.
• Enghreifftiau o gyflwyno’r Gymraeg i deuluoedd mewn partneriaeth e.e Cymraeg i oedolion, Clwb Cwtsh.

Mae’r panel dyfarnu yn chwilio am enghreifftiau o’r canlynol:

• Mae staff/pwyllgor y cylch wedi mynychu hyfforddiant Cylch i Bawb ac yn gallu dangos bod newid yn eu hymarfer yn dilyn yr hyfforddiant.
• Enghreifftiau sut fydd y cylch yn mynd ati i baratoi gweithgareddau a dod o hyd i adnoddau. sy’n darlunio amrywiaeth ac/neu yn ceisio atal datblygiad rhagfarn am grwpiau o bobl e.e. y cylch yn defnyddio’r llyfrau a’r adnoddau yn y Pecyn Cylch i bawb i gynllunio gweithgareddau sy’n hybu amrywiaeth ddiwylliannol, corfforol ac ysbrydol.
• Y lleoliad yn gwneud gwaith gwych i addasu’r lleoliad neu weithgaredd / trip er mwyn sicrhau bod pob plentyn yn cael eu cynnwys e.e. creu ardaloedd penodol i helpu plentyn ymdopi.
• Y cylch yn gwneud defnydd cyson o strategaethau gweledol e.e. makaton, cardiau dewis.
• Cydweithio’n effeithiol gyda asiantaethau allanol ac ysgolion er budd y plant.
• Enghreifftiau o strwythur cynllunio sy’n bodloni ac yn ymateb i anghenion unigol pob plentyn
• Mae profiadau dysgu/digwyddiadau amlddiwylliannol yn y cylch.
• Staff wedi mynychu cyrsiau hyfforddi penodol e.e. ELKLAN, Asthma, rhagfarn diarwybod.
• Enghreifftiau o sut mae’r cylch wedi cynnig cefnogaeth i blentyn/ teulu lle mae’r Saesneg a’r Gymraeg yn ail neu drydedd iaith neu blentyn/teulu o gymuned du , Asiaidd,neu lleiafrif ethnig, neu blentyn ag anabledd/ADY.
• Enghreifftiau o sut mae’r cylch yn croesawu pob plentyn a’i deulu beth bynnag fo’i iaith neu gefndir.
• Enghreifftiau o sut mae dynion a/neu ryweddau eraill yn cael eu cynnwys ym mywyd pob dydd y cylch e.e o fewn y gweithlu, grwpiau tadau ac ati.
• Mae’r Cylch Meithrin yn hyrwyddo gwaith aml genedlaethau yn y gymuned.
• Mae’r cylch yn codi ymwybyddiaeth o hiliaeth ac yn dangos drwy esiampl fod angen gweithredu i atal hiliaeth.

Mae’r panel dyfarnu yn chwilio am enghreifftiau o’r canlynol:

• Wedi chwarae rôl flaenllaw wrth gynorthwyo’r cylch drwy gyfnod o drawsnewid e.e. newid lleoliad, ehangu gwasanaeth yn sylweddol, cofrestriad gydag Estyn neu AGC.
• Wedi gorfod delio gyda chyfnodau heriol yn ystod eu cyfnod yn y rôl e.e. newidiadau staff, ail adfer cylch wedi’r cyfnod clo.
• Yn arwain y ffordd drwy chwilio am gyllid / grantiau addas i gefnogi gwaith y cylch.
• Yn gwneud gwaith arbennig ac ysgogol wrth drefnu digwyddiadau codi arian.
• Yn cyfrannu tuag at ofal a phrofiadau’r plant yn y cylch e.e cynorthwyo, cyflwyno’r iaith, darllen stori.
• Yn ymwrymo i fynychu hyfforddiant er mwyn datblygu sgiliau newydd.

Mae’r panel dyfarnu yn chwilio am enghreifftiau o’r canlynol:

• Wedi gorfod delio gydag cyfnodau heriol e.e. difrod i adeilad, newidiadau staff, cynaladwyedd a chyfnodau clo.
• Pwyllgor sydd yn adnabod cyfloedd i ddatblygu gwasanaethau’r cylch a’u staff.
• Perthynas gadarn gryf gyda’r staff a’r pwyllgor ac enghreifftiau o gydweithio fel tîm.
• Gwneud gwaith marchnata cyson ac yn meddwl am ffyrdd gwahanol i hysbysebu’r cylch.
• Llwyddo i gynnal y cylch drwy gael targed codi arian blynyddol.
• Pwyllgor yn cwrdd yn aml er mwyn rheoli’r cylch yn gadarn a gweithredu ar y cynlluniau datblygu.
• Mae ethos datblygiad proffesiynol parhaus yn y cylch.
• Mae ymroddiad gan bawb i’r cylch, rhieni, staff, partneriaid.
• Mae’r pwyllgor yn cymryd pob cyfle i ddatblygu gwasanaeth y cylch e.e y Cynnig Gofal Plant, gofal cofleidiol ac ati.

Mae’r panel dyfarnu yn chwilio am enghreifftiau o’r canlynol:

• Cymuned glos gan y feithrinfa ac yn trefnu digwyddiadau cyson i godi arian ac i ddod a’r teuluoedd ynghyd.
• Adnoddau priodol i holl blant ac ystod oedran y feithrinfa yn yr ystafelloedd ac ardal tu allan.
• Defnyddio ffyrdd arloesol i gyfathrebu gyda rhieni presennol a marchnata i ddarpar rieni e.e. apiau, cylchlythyron, cyfrifon cymdeithasol, papurau bro.
• Trefnir ymweliadau cyson i mewn i’r feithrinfa a thu allan er mwyn hybu datblygiad y plant o bob oedran.
• Hybu a hyrwyddo dilyniant i addysg Gymraeg.
• Staff yn mynychu hyfforddiant rheolaidd ar feysydd amrywiol er mwyn cynnig profiadau dysgu ychwanegol yn y feithrinfa.
• Gwneud gwaith arbennig ym meysydd iaith, rhifedd a llythrennedd digidol i bob ystod oedran.
• Y plant yn sail i bopeth yn y cylch e.e cynllunio, arwain gweithgareddau, ymgynghori.
• Mae gan y Feithrinfa bartneriaethau allanol effeithiol amrywiol yn y gymuned.
• Mae’r feithrinfa’n cynnig profiadau cyfoethog yng nghyd destun trochi iaith.
• Mae’r plant o bob oedran yn dylanwadu ar themau a gweithgaredd y feithrinfa.
• Mae’r Feithrinfa’n gweithio gyda rhieni i ddatblygu sgiliau’r plant.
• Mae ymroddiad gan bawb i’r feithrinfa (staff, teuluoedd, partneriaid, plant, y gymuned).

Mae’r panel dyfarnu yn chwilio am enghreifftiau o’r canlynol:

• Tystiolaeth o staff brwdfrydig, sy’n ymrwymo i fynychu hyfforddiant er mwyn datblygu sgiliau newydd.
• Tystiolaeth o staff sy’n cymryd cyfleoedd i uwch-sgilio trwy ddilyn cyrsiau academi neu gynllun Croesi’r Bont, neu trwy dderbyn prentis yn y lleoliad (trwy Gynllun Prentisiaeth MM).
• Tystiolaeth o staff sydd wedi mynychu hyfforddiant rheolaidd ar feysydd amrywiol er mwyn cynnig profiadau dysgu ychwanegol yn y cylch/meithrinfa ddydd.
• Tystiolaeth o staff sydd wedi gwneud cynnydd ieithyddol da drwy ddilyn gwrs Camau neu gynllun Clwb Cwtsh.
• Enghreifftiau o sut mae’r cylch/meithrinfa ddydd wedi gwella neu newid eu dulliau gweithio yn dilyn mynychu hyfforddiant a drefnwyd gan academi.
• Enghreifftiau o sut mae’r cylch/meithrinfa ddydd wedi gwneud defnydd o adnoddau Dysgu a Datblygu academi (Adnoddau Dysgu a Datblygu – Mudiad Meithrin).
• Cylch Meithrin sy’n mynd ati yn rhagweithiol i rannu enghreifftiau o arfer da gydag eraill (e.e. ymarferwyr eraill, MM, Academi neu Hwb).