Rydym yn angerddol ynglŷn â rhoi cyfle i bob plentyn chwarae, dysgu a thyfu trwy’r Gymraeg, a chredwn fod gan bob plentyn yng Nghymru yr hawl i wneud hynny.
Rydym yn gwerthfawrogi fod dod o hyd i ofal plant o safon uchel yn hynod o bwysig ichi fel rhiant.
Gan fod gennym 50 mlynedd o brofiad ym maes addysg a blynyddoedd cynnar, a thros 1,000 gylchoedd a grwpiau amrywiol ar hyd a lled Cymru, gallwn sicrhau y byddwch chi a’ch plentyn yn mwynhau profiadau llawn hwyl a chyfoethog wrth ymuno ag un teulu mawr Mudiad Meithrin.
Yn yr adran yma gallwch ddod o hyd i wybodaeth am ein Grwpiau Cymraeg i Blant, Cylchoedd Ti a Fi a Chylchoedd Meithrin a’r math o weithgareddau hwyliog sydd ar gael yno. Gallwch chwilio am ofal plant yn eich ardal chi gyda’n map rhyngweithiol.
