Hyfforddiant gyda Jane Ashman

Mi fydd yr hyfforddiant yn cael ei gyflwyno ar 2 ddiwrnod ar wahân, bydd angen i gyfranogwyr fynychu’r ddau ddiwrnod er mwyn cwblhau’r hyfforddiant.

• 15 o Ionawr a 20 o Ionawr
• 10:15yb – 2yp

Cwrs trwy gyfrwng y Gymraeg

Mae’r cwrs ar gyfer aelodau Mudiad Meithrin sydd yn:

• Gynorthwywyr meithrin dan hyfforddiant

• Cynorthwywyr meithrin

• Arweinyddion ystafelloedd meithrin

• Rheolwyr cynorthwyol

• Gweithwyr chwarae

• Gyrwyr

• Gwirfoddolwyr

Mae’r cwrs hwn yn cyd-fynd â gofynion y Safonau Gofynnol Cenedlaethol ar gyfer unigolion Grŵp B.

Mae’r cwrs hwn ar gyfer pob ymarferydd sydd a chysylltiad rheolaidd â phlant. Efallai bod gennych eisoes peth wybodaeth ynglŷn â’r maes ond bod angen datblygu eich dealltwriaeth ymhellach ac i fod yn ymwybodol o’r camau y dylid eu cymryd pan fo pryderon yn codi ynglŷn â lles plant.

Erbyn diwedd y cwrs byddwch yn:

• Deall eich rôl i ddiogelu plant rhag niwed, camdriniaeth ac esgeulustod

• Deall sut y caiff plant eu diogelu rhag niwed, camdriniaeth ac esgeulustod

• Adnabod mathau gwahanol o gamdriniaeth, niwed ac esgeulustod yn cynnwys trais yn y cartref

• Dysgu am ddeddfwriaeth a gweithdrefnau ar gyfer diogelu lles plant a phobl ifanc a gwybod beth ydi’r newidiadau diweddar i ddiogelu yn sgil y Ddeddf Gwasanaethau Cymdeithasol a Llesiant (Cymru) 2014

• Deall effaith hir dymor camdriniaeth ar blant

• Ystyried y gwersi a ddysgwyd o achosion bywyd go iawn, lle mae cam-drin wedi digwydd mewn lleoliadau gofal plant.

*Cyn dilyn y cwrs hwn, argymhellir eich bod yn dilyn modiwl E-Ddysgu Diogelu Gofal Cymdeithasol Cymru (awr o hyd) ar-lein: https://gofalcymdeithasol.cymru/modiwlau-dysgu/grwp-a-diogelu

Bydd tâl o £30 am fynychu’r hyfforddiant.

Bydd tystysgrif electroneg i bawb sy’n cwblhau’r hyfforddiant.