Hyfforddiant gyda Jane Ashman

Mi fydd yr hyfforddiant yn cael ei gyflwyno ar 3 diwrnod ar wahân, bydd angen i gyfranogwyr fynychu’r tri diwrnod er mwyn cwblhau’r hyfforddiant.

17, 24 Ebrill a 01 Mai 2026

10yb – 1:30yp

Cwrs trwy gyfrwng y Gymraeg.

Mae’r cwrs ar gyfer aelodau Mudiad Meithrin sydd yn:

Arweinydd y lleoliad • Rheolwyr • Y person â chyfrifoldeb • Gwarchodwyr plant • Y person diogelu dynodedig • Unigolion cyfrifol • Y person cofrestredig

Mae’r cwrs hwn yn cyd-fynd â gofynion y Safonau Gofynnol Cenedlaethol ar gyfer unigolion Grŵp C.

Cwrs lefel uwch yw hwn ar gyfer helpu unigolion i gynyddu’r wybodaeth am brosesu diogelu sydd ganddynt eisoes ac i ddeall y broses ddiogelu yn fanylach.

Bydd yr hyfforddiant yn defnyddio amrywiaeth o weithgareddau i helpu adolygu a datblygu’r gweithdrefnau diogelu yn y lleoliad i sicrhau bod pob aelod o staff yn gallu cyflawni eu rôl a’u cyfrifoldeb i ddiogelu plant.

Mae’r cwrs yn cynnwys:

• Pynciau sy’n ymwneud â honiadau o gam-drin yn erbyn aelod o staff a sut i ddelio â’r rhain,
• Deall deddfwriaeth a chanllawiau allweddol sy’n sail i bolisi lleoliadau ynghylch diogelwch a lles plant,
• Rolau i’w cyflawni yn y broses diogelu plant aml-asiantaeth, gan gynnwys cynadleddau achos
• Darparu adroddiadau ysgrifenedig.

Bydd tâl o £40 am fynychu’r hyfforddiant. Ni roddir ad-daliadau am fethu a mynychu. Bydd tystysgrif electroneg i bawb sy’n cwblhau’r hyfforddiant.