Sesiwn wyboaeth – Gwirfoddoli ar Bwyllgor Cylch Meithrin

Addas i: Gwirfoddolwyr a Phwyllgorau Cylchoedd Meithrin

Dyma sesiwn anffurfiol ond llawn gwybodaeth a fydd yn eich cyflwyno i rôl wirfoddol ar bwyllgor Cylch Meithrin.

Yn ystod y sesiwn cewch gyfle i ddysgu mwy am y cyfleoedd amrywiol sydd ar gael. Efallai eich bod â’ch bryd ar rannu eich profiadau a chyfrannu fel Trysorydd, Ysgrifennydd neu Gadeirydd. Neu efallai eich bod wrth eich bodd yn cynnal digwyddiadau ac yn codi arian a denu mwy o deuluoedd a phlant bach i fwrlwm y cylch.

Fel gwirfoddolwr fe fyddwch chi hefyd yn elwa yn bersonol – yn dod i adnabod ffrindiau newydd, yn gwneud gwahaniaeth yn eich cymuned leol ac yn ymuno â theulu mawr Mudiad Meithrin!

Cynhelir y sesiwn dros Zoom a rhennir y ddolen ar ôl i chi gofrestru.

Sesiwn Cymraeg.