Adnoddau Dysgu Sylfaen

Dathlu’r cwricwlwm   

Dyma adnodd newydd sy’n cyflwyno prif elfennau’r cwricwlwm ar gyfer lleoliadau meithrin a ariennir nas cynhelir.

Cyfres o sgyrsiau gydag ymarferwyr sy’n rhannu eu profiadau o roi’r cwricwlwm ar waith. Mae’r adnodd yn cael ei rannu’n chwe rhan – fformat hwylus ar gyfer trafod un rhan ar y tro, naill ai mewn cyfarfod tîm neu’n eich amser eich hun.

I dderbyn copi o’r adnodd, cliciwch yma.

Dehongliad o’r trefniadau asesu

Bydd yr adnodd yma yn eich cefnogi i ddeall sut, pam, ble a phryd i arsylwi ac asesu cynnydd plant a sut i ddilyn y proses o sylwi, dadansoddi ac ymateb i’w diddordebau.

I dderbyn copi o’r pecyn hwn, cliciwch yma.

Mae defnyddio adnoddau naturiol, penagored yn gwella datblygiad dychymyg, creadigrwydd a chwilfrydedd. Mae darnau rhydd yn wrthrychau naturiol fel canghennau, cerrig a choncers neu ddeunyddiau a wnaed gan ddyn fel teiars, pibellau a botymau. P’un a ydynt yn fawr neu’n fach, gall plant eu symud, eu cyfuno, eu tynnu’n ddarnau, eu hail-ddylunio, neu eu trawsnewid

Cliciwch isod i weld y daflen ar ‘Darnau Rhydd, Chwarae Di-derfyn’.

Gwneud Mathemateg yn Bwrpasol ac Ystyrlon

Dyma rhan gyntaf o adnodd newydd sy’n archwilio cysyniadau mathemategol ac yn trafod sut i gyflwyno’r cysyniadau hyn i blant bach. Bydd ail ran yr adnodd yn archwilio’r cysyniadau hyn yn fanylach ac yn rhannu arfer da o leoliadau Mudiad Meithrin. Cliciwch ar y poster am fwy o wybodaeth.

Am fwy o wybodaeth cliciwch uchod.

Cyflwyniad i ddulliau addysgeg

Efallai eich bod wedi clywed y term ‘addysgeg’ sawl gwaith. Cyfeirir ato sawl gwaith yn y cwricwlwm ar gyfer lleoliadau meithrin a ariennir nas cynhelir.

Diffinnir y term addysgeg yn y cwricwlwm fel:

‘Y dull neu’r arfer o addysgu’

Pan fyddwn yn siarad am addysgeg yn y blynyddoedd cynnar, rydym yn golygu ‘sut’ yr ydym yn dysgu, neu’r holl bethau sy’n galluogi oedolion i feithrin dysgu a datblygiad plant.  Mae hyn yn cynnwys:

• Oedolyn sy’n galluogi – mae perthynas gynnes, ymddiriedus gydag oedolion gwybodus yn cefnogi dysgu plant yn fwy effeithiol nag unrhyw faint o adnoddau. Gall ymarferydd gwybodus benderfynu pryd i sefyll yn ôl, pryd i ryngweithio, a beth i’w gynnig i’r plentyn.

• Amgylchedd effeithiol – mae’r amgylchedd rydyn ni’n ei greu yn ein lleoliad, tu fewn a thu allan, yn ganolog i brofiadau dilys plant. Dylem fonitro ac adolygu effeithiolrwydd yr amgylchedd yn barhaus ac addasu yn unol â hynny. Yn ystod y blynyddoedd cynnar, mae archwilio’r amgylchedd yn sbardun allweddol ar gyfer datblygu. Trwy archwilio eu hamgylchedd, mae plant yn dechrau datblygu ymdeimlad o berthyn a gwerthfawrogiad o’r byd o’u cwmpas.

• Profiadau sy’n ennyn diddordeb – dylai’r profiadau a gynigiwn yn y blynyddoedd cynnar fod yn ymarferol, yn bwrpasol ac yn ystyrlon i’r plentyn. Dylent annog annibyniaeth plant, cynnig risg, her a chyfleoedd i brofi llwyddiant ar hyd y daith ddysgu. Dylent gael eu gwreiddio mewn cyd-destunau go iawn, dilys, er mwyn ennyn diddordeb plant mewn lefelau dwfn o gyfranogiad a chyfnodau hir o ddysgu gweithredol, di-dor.

Mae egwyddorion addysgeg effeithiol wedi’u hymgorffori drwy’r cwricwlwm ar gyfer lleoliadau meithrin a ariennir nas cynhelir. Mae angen i ni sicrhau bod yr amgylchedd dysgu yn darparu cyfleoedd cyson i brofi’r canlynol:

• chwarae a dysgu sy’n seiliedig ar chwarae – mae chwarae’n hawl sylfaenol i bob plentyn. Mae ganddyn nhw angen cynhenid cryf i chwarae. Trwy chwarae a phrofiadau chwareus, mae plant yn dod o hyd i ffyrdd o archwilio amrywiaeth o emosiynau a dysgu am y byd y maent yn byw ynddo.
• bod y tu allan – mae bod yn y tu allan yn arbennig o bwysig i blant ifanc. Mae’n cefnogi datblygiad cymdeithasol, emosiynol, ysbrydol a chorfforol, yn ogystal â lles.
• dysgu dilys a phwrpasol – bydd profiadau perthnasol ac ystyrlon sydd wedi’u gwreiddio mewn cyd-destunau bywyd go iawn yn galluogi plant i wneud cysylltiadau, cymhwyso gwybodaeth a sgiliau cydgrynhoi. Gall profiadau bywyd go iawn alluogi plant i arwain wrth ofyn cwestiynau, nodi problemau, mentro a dod o hyd i atebion.
• llythrennedd corfforol – mae’n hanfodol ein bod yn gosod sylfeini llythrennedd corfforol yn y blynyddoedd cynnar trwy fodelu agweddau cadarnhaol tuag at symud a darparu amgylchedd sy’n rhoi cyfle i blant archwilio, ymarfer a chyfuno ystod eang o symudiadau corfforol mewn amrywiaeth o gyd-destunau.

Mae llawer o ddamcaniaethwyr blynyddoedd cynnar wedi datblygu gwahanol addysgeg – efallai y bydd eich Cylch Meithrin/meithrinfa ddydd yn penderfynu mabwysiadu addysgeg benodol. Mae bob amser yn werth ymchwilio a darllen am yr addysgeg y mae gennych ddiddordeb ynddo gan y bydd hyn yn sicrhau eich bod yn ei ddewis i fod o fudd uniongyrchol i’r plant rydych yn gofalu amdanynt. Gallwch ddefnyddio unrhyw un o’r dulliau addysgeg canlynol o fewn y cwricwlwm ar gyfer lleoliadau meithrin a ariennir nas cynhelir a’i addasu at eich lleoliad eich hun.

** Nid yw Mudiad Meithrin yn cymeradwyo unrhyw ddulliau addysgeg penodol. Rydym wedi cynnwys rhai enghreifftiau at ddibenion gwybodaeth yn unig.

Am fwy o wybodaeth, cysylltwch â:

Judith Grigg BEd (Anrh) MAEd, Swyddog Arweiniol Dysgu Sylfaen.

judith.grigg@meithrin.cymru

Am fwy o wybodaeth cliciwch uchod.

Am fwy o wybodaeth cliciwch uchod.

Am fwy o wybodaeth cliciwch uchod.

Am fwy o wybodaeth cliciwch uchod.

Am fwy o wybodaeth cliciwch uchod.

Am fwy o wybodaeth cliciwch uchod.

Mae’r astudiaeth achos hon wedi’i dylunio i fynd â chi ar daith fyfyriol ar sut i newid eich ymarfer i ddull a arweinir yn fwy gan y plentyn. Darllenwch sut mae un cylch wedi newid y ddarpariaeth a symud oddi wrth ddefnyddio adnoddau plastig mewn amgylcheddau llachar, gorysgogol i ddefnyddio adnoddau pwrpasol, naturiol a’r effaith y mae’r amgylcheddau niwtral wedi’u cael ar y plant yn eu gofal.

Cliciwch ar y astudiaeth achos i weld mwy.

Yn y byd hwn sy’n cael ei yrru gan dechnoleg mae’n hawdd anghofio buddion natur. Mae’r adnodd hwn yn rhoi awgrymiadau ar ba brofiadau y gallwch eu darparu er mwyn dod â byd natur i fywydau eich plentyn/plant; gan ganolbwyntio ar y manteision o wneud felly, a sut i ddarparu profiadau ym myd natur hyd yn oed os ydych wedi’ch lleoli mewn ardal adeiledig.

Cliciwch isod i weld y daflen ar ‘Manteision Chwarae Natur’.

Gall chwarae â mwd edrych yn flêr, ond mae’n cynnig profiadau datblygiadol gwerthfawr. Mae’n fath o chwarae synhwyraidd a dychmygus sydd yn hynod o fuddiol i blant ifanc.

Yn yr adnodd hwn rydym yn archwilio rôl y galluogwyr, y sgemâu a manteision chwarae â mwd, ac yn awgrymu sut i ddarparu profiadau mwdlyd mewn ffordd ddiogel, a sut y gallech ystyried hyn yn eich asesiadau risg.

Cliciwch isod i weld y daflen ar ‘Manteision chwarae mwd’.

Mae chwarae diodion yn fath o chwarae synhwyraidd a dychmygus sydd yn hynod o fuddiol i blant ifanc. Yn yr adnodd hwn, rydym yn archwilio rôl y tri galluogwr a sgemâu mewn chwarae diodion, ac yn awgrymu sut i ddarparu profiadau chwarae diodion mewn ffordd ddiogel a chyffrous.

Cliciwch isod i weld y daflen ar ‘Manteision chwarae diodion’.

Boed hynny’n neidio mewn pyllau, gwasgu toes, cymysgu paent â bysedd neu archwilio mwd, mae chwarae blêr yn caniatáu i blant ymgysylltu â’u hamgylchedd gan ddefnyddio eu synhwyrau. Gall plant archwilio deunyddiau’n rhydd heb ganlyniad penodol mewn golwg – y broses sy’n bwysig! Yn yr adnodd hwn rydym yn archwilio rôl y galluogwyr, y sgemâu a manteision chwarae blêr, ac yn awgrymu sut i ddarparu profiadau blêr mewn ffordd ddiogel, a sut y gallech ystyried hyn yn eich asesiadau risg.

Cliciwch isod i weld y daflen ar ‘Manteision chwarae blêr’.

Cliciwch isod i weld cerdyn post a poster ar ‘Miri Mawr’;

Cliciwch ar y llun isod i weld y daflen ‘Pethau i’w gwneud gyda’ch plant yn yr Hydref’