Darllenwch Astudiaethau Achos gan rai o’n harweinyddion Cylchoedd Meithrin sy’n trafod sut aethpwyd ati i roi gwahanol elfennau o’r cwricwlwm ar waith yn eu lleoliadau.
Cwtsh Pentrebaen
Ymgorffori hawliau plant mewn ymarfer bob dydd.
Er cof annwyl am Debbie Ivins.
‘Gwnaethost gyffwrdd â ni gyd a’th garedigrwydd.
Credu ynom ni gyd a gwneud inni gredu ynom ein hunain.
Bydd eich cyfraniad i’r byd yn parhau trwy bob plentyn a ddysgoch’.
Deborah Ivins ‘Anti Debbie’ 1976 – 2022
Roedd Dysgu Creadigol yn y Blynyddoedd Cynnar yn fenter gydweithredol rhwng Cyngor Celfyddydau Cymru, Mudiad Meithrin, Blynyddoedd Cynnar Cymru a Llywodraeth Cymru, gyda chefnogaeth Sefydliad Paul Hamlyn. Roedd y fenter yn cydnabod pwysigrwydd hanfodol y blynyddoedd cynnar fel sylfaen ar gyfer dysgu gydol oes, lles, a datblygiad.
Wrth wraidd ei hanfod mae’r gred bod creadigrwydd a chwarae yn sylfaenol i ddysgu plant. Mae hyn yn cyd-fynd yn agos â’r cwricwlwm ar gyfer lleoliadau meithrin nas cynhelir, sy’n nodi bod “darpariaeth addysg gynnar o ansawdd uchel yn hanfodol i ddatblygiad plant” a bod y profiadau, y wybodaeth a’r sgiliau sydd eu hangen ar gyfer dysgu gydol oes, dinasyddiaeth weithredol a chyflogaeth yn y dyfodol yn dechrau yn y blynyddoedd cynnar.
Pwrpas Dysgu Creadigol yn y Blynyddoedd Cynnar oedd archwilio effaith profiadau dysgu creadigol ar ddatblygiad a dysgu plant 3–5 oed. Trwy bartneriaethau rhwng Ymarferwyr Blynyddoedd Cynnar a Gweithwyr Proffesiynol Creadigol, cefnogwyd lleoliadau i ddatblygu dulliau arloesol sy’n rhoi creadigrwydd, chwilfrydedd a chwarae yng nghanol profiadau plant.
Nodau’r fenter oedd:
- Dyfnhau dealltwriaeth o rôl ganolog creadigrwydd a chwarae yn natblygiad plant.
- Adeiladu hyder a gallu ymarferwyr blynyddoedd cynnar i archwilio a datblygu ffyrdd newydd o weithio.
Ysgrifennwyd yr astudiaethau achos canlynol gyda chefnogaeth Cwmpas, Cyngor Celfyddydau Cymru a’r cylchoedd a gymerodd ran yn y fenter; ac maent yn arddangos y ffyrdd amrywiol y mae lleoliadau ledled Cymru wedi ymgysylltu â’r rhaglen. Maent yn tynnu sylw at yr heriau a wynebwyd, y dulliau creadigol a fabwysiadwyd, a’r effaith gadarnhaol ar blant, ymarferwyr, teuluoedd a chymunedau. Gyda’i gilydd, maent yn dangos sut y gall creadigrwydd weithredu fel catalydd pwerus ar gyfer dysgu, lles, ymgysylltiad, ac ysgogydd newid ystyrlon yn y blynyddoedd cynnar.
Diolch i’r cylchoedd canlynol am gymryd rhan:
Cylch Meithrin Arberth
Cylch Meithrin Chwilog
Cylch Meithrin Corris
Cylch Meithrin Crymych
Cylch Meithrin Dyffryn Banw
Cylch Meithrin Ffynnonwen
Cylch Meithrin Llangollen
Cylch Meithrin Llanrhaeadr
Cylch Meithrin Machynlleth
Cylch Meithrin Rhostryfan
Cylch Meithrin Rhuthun
Cylch Meithrin Y Fali
Cylch Meithrin Y Tonnau
Cylch yn yr Ysgol
Miri Morswyn
Ysgol Feithrin Pontypŵl
Caban Cegin
Cylch Meithrin Amlwch
Cylch Meithrin Cybi
Cylch Meithrin Evan James
Cylch Meithrin Felinfoel
Cylch Meithrin Lle ‘Chi
Cylch Meithrin Talybont
Cylch Meithrin Drenewydd
Cylch Meithrin Ysgol Dewi Sant