Ar gyfer aelodau Mudiad Meithrin sy’n –

• Gynorthwywyr meithrin dan hyfforddiant
• Cynorthwywyr meithrin
• Arweinyddion ystafelloedd meithrin
• Rheolwyr cynorthwyol
• Gweithwyr chwarae
• Gyrwyr
• Gwirfoddolwyr (yn dibynnu ar lefel yr oruchwyliaeth)

Mae’r cwrs hwn yn cyd-fynd â gofynion y Safonau Gofynnol Cenedlaethol ar gyfer unigolion Grŵp B.

Cwrs lefel canolradd yw hwn ar gyfer unigolion sydd eisoes â pheth gwybodaeth ynglŷn â’r maes diogelu plant ond sydd angen datblygu dealltwriaeth bellach o’r camau y dylid eu cymryd pan fo pryderon yn codi ynglŷn a lles plant.

Erbyn diwedd y cwrs byddwch yn:

• Deall eich rôl i ddiogelu plant rhag niwed, camdriniaeth ac esgeulustod
• Deall sut y caiff plant eu diogelu rhag niwed, camdriniaeth ac esgeulustod
• Adnabod mathau gwahanol o gamdriniaeth, niwed ac esgeulustod yn cynnwys trais yn y cartref
• Dysgu am ddeddfwriaeth a gweithdrefnau ar gyfer diogelu lles plant a phobl ifanc a gwybod beth ydi’r newidiadau diweddar i ddiogelu yn sgil y Ddeddf Gwasanaethau Cymdeithasol a Llesiant (Cymru) 2014
• Deall effaith hir dymor camdriniaeth ar blant
• Ystyried y gwersi a ddysgwyd o achosion bywyd go iawn, lle mae cam-drin wedi digwydd mewn lleoliadau gofal plant.

Cwrs trwy gyfrwng y Gymraeg *gyda chyfieithu ar y pryd.

*Cyn dilyn y cwrs hwn, argymhellir eich bod yn dilyn modiwl E-Ddysgu Diogelu Gofal Cymdeithasol Cymru (awr o hyd) ar-lein: https://gofalcymdeithasol.cymru/modiwlau-dysgu/grwp-a-diogelu

Bydd tâl o £30 am fynychu’r hyfforddiant. Pris yn cynnwys cinio. Ni roddir ad-daliadau am fethu a mynychu. Bydd tystysgrif electroneg i bawb sy’n cwblhau’r hyfforddiant.